"Восеньскія мемуары" украінскай дызайнеркі Вікторыі Пахомавай паводле малюнка Насты Моравай.
Колькі гадоў таму на просьбу дызайнеркі я была ўзялася адшыць толькі-толькі распрацаваную схему першай, але своечасова
зразумела, што не патраплю. Адшывала тры гады (пачала ў 2019-ым).
Вядома, з вялікімі перапынкамі. А потым не менш старанна тыдні два шыла бэк (аблямоўку) і дужа цешылася з таго, што ён не ронакалёрны.
Ma chaîne Telegram: https://t.me/vezhagaft
Восеньскі мядзведзь рыхтуецца да зімы: вышываная выява на торбе, якую можна прыгожа назваць кайстрай-тоўт.
Торба крамная, дыхтоўная; мядзьведзь адшуканы на Пінтэрэсце. Арыгінальны звяжака шэры і без вуснаў, галінкі вянку чорныя, а ягады аранжавыя.
Ma chaîne Telegram: https://t.me/vezhagaft
Восеньскія букеты на мой густ. Той, што вышываны, даўся ў знакі бясконцым змяшаннем нягнуткіх нітак і каляровымі шыўкамі бэксцічу: дызайнерка Любоў Вадзенікава зручным шляхам не прастуе, хоць "Восеньскі букет" ейнага аўтарства - не першы з майго даробку.
Але яе кніжка "Вышивай как дизайнер!" вартая ўвагі хоць бы таму, што прапануе чытачу шлях да ўласнай крыжыкавай схемы і між іншым вылучае вышыванне як сучасны, прыгожы, творчы занятак. Каб не звяліся восеньскія букеты.
Ma chaîne Telegram: https://t.me/vezhagaft
Рыхтуйма ялінкі, даставайма гірлянды, дашывайма адвэнтовыя календары. Чакайма свята, якое вымагае міру ва ўсім свеце. Бянтэжыць тое, што гэтае свята нехта далёкі, але такі бліжні, сустрэне без святла, ацяплення, вады. І што мірнага каляднага цуду чакацьмуць усе - нават тыя, хто расстараўся пазбавіць далёкіх бліжніх святла, ацяплення, вады і за адным разам калядных вышывак. Сёлетні Адвэнт. Такі Адвэнт.
Les drames et les tragédies de ces derniers temps doivent cesser. Laissez les larmes se transformer en pétales de fleurs. Que la maladie et la guerre s'en aillent. /Драмы ды трагедыі апошняя часу мусяць скончыцца. Хай слёзы ператворацца ў кветкавыя пялёсткі.
Cœur roses de France - ружавым сэрцам Францыі называецца гэты дызайн. Яго яшчэ можна сустрэць наборам для вышывання вытворчасці Dimensions, але я скарысталася з адпаведнага часопіса.
Нягледзячы на назву, гэта самая сапраўдная шыпшына, якую моцна любіла мая бабця.
Вышывальніцы актыўна бяруцца за калядныя сюжэты, бо восеньскія ўжо добра пасунуліся. "Лісіц ў лісці" (Риолис) падрыхтавала мастачка Анна Шевелёва, падабраўшы сем колераў ваўняна-акрылавых нітак і выдатную Zweigart Aida. Аднак -- белую. А як стварыць сабе свежае паветра -- хоць на канве?
Maintenant, les brodeuses s'attaquent activement aux thèmes de Noël, car ceux d'automne sont presque prêts. Pour les "Renards dans les feuilles", ils ont proposé une toile blanche, mais je l'ai changée en une bleue, que j'ai peinte moi-même. Pour quelle raison? pour l'effet de l'air frais et de la fraîcheur.
"Са смакам солі, ветра й сонца" -- сёлетняя марская серыя РТО. Дызайнер -- Екатерина Костыгова.Усе прапановы памерам 9,5 х 14 см. Гэты ветразнік на тле маяка зашываецца цалкам і мае аблямоўку фарнай вежы і судновага такелажу. Не самая прыемная частка працы. На свежай рабоце ўсё выдатна і роўненька, але варта было памыць (плямы ад пяльцаў, натуральна)!..
Пытанне рубам: што цяпер з гэтай прыгажосцю рабіць? Яна не прадмет мастацтва, але і ўжытковасцю не вылучаецца (хоць бы таму, што ўжытковае трэба мыць, а доўгія выкладныя ніткі правісаюць пад цяжарам вады). Пад шкло і на сцяну? Мой сын настойвае на такім абыходку з кожнай вышыванай работай, але здаволена спіць на вышываных падушках і карыстаецца вышыванымі карабцамі. Буду думаць.
Ідылічны краявід мае назоў "Таскана". Месца, адкуль пайшло італьянскае Адраджэнне, дзе царуе сонца, вядуць рэй вінаграднікі і макі.
Даўнейшая еўрапейская сімволіка сведчыць пра мак, як пра кветку сну і смерці, у найноўшай макі нагадваюць пра "ніколі зноў": не забудзем, не даруем, не дамо паўтарыць -- пасля верша канадскага ваеннага доктара Джона Макрэя "На палях Фландрыі", напісанага ў 1915 годзе пад уражаннем смерці сябра. Гэта -- Першая Сусветная вайна. З 2014 года да макавай сімволікі далучылася Украіна. У Беларусі пакуль што можна хіба прачытаць -- пра знішчэнне гектараў макавых палёў.
Наборы для вышывання я люблю, але час-почас стараюся вяртацца да часопісных прапаноў, бо яны выдатныя. /J'adore les kits de broderie, mais de temps en temps je me tourne vers les magazines. Il existe d'excellentes suggestions de broderie.
Гэты дызайн Karen Britten я дастала з часопіса "Вышиваю крестиком" за ліпень 2008 года. Доўгі час прыгажуня-гафцярка з пяльцамі рацвельвала мае творчыя памкненні, паддражнівала, маўляў, бярыся і здолееш бавіць час гэтаксама спакойна і шчасліва. Як належыць у ліпені.
Стыль вясковы або знакаміты кантры: такая сабе старасвеччына ўзору 1990-х з падборкі пад назвай "Вышивка крестом" -- шчасліва здабыты часопіс ад Энне Бурды, Нямеччына. Нічога складанага, але які гумор! Мройны блакітны, скіраваны ў дэнім, ззяючы саламяны і канчатковыя -- белы з чырвоным, якія спалучыліся ў колер жыцця. Мройны блакітны, скіраваны ў дэнім, ззяючы саламяны і канчатковыя -- белы з чырвоным, якія спалучыліся ў колер жыцця.
Style rustique ou style country célèbre. Un vieux magazine d'Anne Burda, en Allemagne. Rien de compliqué, mais quelle ambiance! Le bleu de rêve se transforme en denim, la couleur paille brille et le rouge et le blanc représentent la couleur de la vie.
Горача, задушліва, скварчыць! Добра ўсяму беламу пад сонцам: менш награваецца. Прыкладам, лебедзь. / C'est bon d'être un cygne blanc au soleil. Vous n'avez pas très chaud. Et vous pouvez être dans l'eau ou vous asseoir dans les roseaux.
Гэтую высакародную белую птушку стварыла дызайнерка Аліна Ільіна для
фірмы Рanna. Гадоў пятнаццаць таму. І вышываў яе шмат хто -- Рanna
штораз называла набор топавым. Усе шыюць -- мне не трэба. / J'ai commencé cette broderie (créatrice - Alina Ilyina) à cause des beaux roseaux. Ils sont brodés en demi-croix en deux et trois plis de fil.
Але пільнай
ўвагі дамаглася зеляніна за птушкай: спалучэнне крыжыка, паўкрыжыка,
змяшаныя колеры, дзве, адна, чатыры складанні ніткі. Тэхнічна -- вельмі
цікава. Ну і як пакінуць другі план без буйнога? /Je ne pouvais plus laisser le deuxième plan de broderie sans le premier, et les roseaux sans le cygne.
Перерабляла гэтую прыгажуню колькі разоў. Ну няможна ўвасобіць ўсе задумы за адным разам у адным невялікім аб'екце.
J'ai changé cette beauté plusieurs fois. Mais vous ne pouvez pas incarner toutes vos idées à la fois dans un petit objet.
Лета не для таго, каб грэцца, а для таго, каб падымацца раней. Гадзіны на тры. А перш як ісці на працу, вышываць -- гладдзю і крыжыкам.
Упрыгожанне з трусікам дыяметрам (без аблямоўкі) 10 см + сашэтка з ракушкамі -- маленькая падушачка для шпілек 6х6 см: нашто дробязям столькі ўвагі?
Трусік-бязвусік меўся быць велікодным, але спазніўся. Затое можна
было не спяшацца, зашываць вясновы краявід і абдумваць канчатковую
форму. Пухнаціку ўпасаваў круг з воблачкамі.
