Дазвольце пазнаёміцца / Permettez-moi de connaître
Je m'appelle Jeanne, mais beaucoup de femmes portent ce nom. Par conséquent, mes collègues de mes loisirs me connaissent sous le nom de Vezha (Vezha -- la tour est traduite de la langue biélorusse).
Перш як зрабіцца нікам, Vezha нядоўга пабыла школьнай мянушкай (ну хто мог чакаць, што з вакацый у сёмы клас я вярнуся самай доўгай вучаніцай?).
Школьныя заняткі ўжытковымі мастацтвамі ўзору 1970-х гадоў я шанавала не дужа. Майстрыхамі ў сям’і былі бабуля і мама. Ад іх ведаю, што прабабка (дзедава маці) была выбітнай ткалляй (ткачыхай) і гафцяркай. (Кароткім слоўцам “гафты” бабуля заўсёды называла самыя майстэрскія вышыванкі, а буйныя стракатыя крыжыкі, сабраныя ў мачаляпістыя квяты, былі для яе “вышыўкамі”.) Добра шые малодшая сястра, але, на жаль, вельмі рэдка – больш сядзіць за кампутарам, бо – дызайнер.
А я вяжу і вышываю (гафтую?) з 1989 (нарадзіўся сын, а для дзяцей чаго толькі не зробіш); гадоў дзесяць таму спраўдзіла мару - авалодала шадэлкам; з 2007 паціху пачала шыць.
Прафесійныя зацікаўленні вымаглі з мяне блог “Сцены,залы, мастерские», але дзякуючы Клэр, Вользе-Іголачцы і Алене, якія ветліва і шчыра паддалі чароўных кухталёў, я шнуруюся, шыхтуюся і далучаюся да рукадзельных шэрагаў.
Мне зраўнялася 60 гадоў!
Мой блог Vezha і канал на Тэлеграме Vezhagaft -- гэта добры настрой... у
розных вышывальных тэхніках. Не продаж, не
абавязкі-просьбы. Сучаснае аматарскае вышыванне як ёсць. Стандартныя
распрацоўкі, якія можна ператварыць у проста супрацьлеглыя. Прапановы
дызайнераў, якія варта ўвасобіць, каб здаволіць сваё пачуццё эстэтыкі.
Выявы, што вымагаюць узяць іголку ў рукі. Магчымасць засяродзіцца на
шыўках і градыентах, бо гэта, як высвятляецца, дапамагае жыць.
Aucun commentaire:
Enregistrer un commentaire