mardi 11 mai 2021

Вітаю лета/Bonjour été

Лета не для таго, каб грэцца, а для таго, каб падымацца раней. Гадзіны на тры. А перш як ісці на працу, вышываць -- гладдзю і крыжыкам.

Упрыгожанне з трусікам дыяметрам (без аблямоўкі) 10 см + сашэтка з ракушкамі -- маленькая падушачка для шпілек 6х6 см: нашто дробязям столькі ўвагі?

Трусік-бязвусік меўся быць велікодным, але спазніўся. Затое можна было не спяшацца, зашываць вясновы краявід і абдумваць  канчатковую форму. Пухнаціку ўпасаваў круг з воблачкамі.

 

 
 Галоўнае, побач аніводнага  стрыгуна з касілкай (трава на месцы) і лаўца з сеткамі (каб не трапіць у адлоў). А ў траве няма бітага шкелля, недапалкаў ды медыцынскіх масак. Bышывана паводле эскіза Веры Буравай для фірмы Panna. Гладзь. Дыяметр без аблямоўкі -- 10 см.

Да вашае ўвагі -- мая скрыначка з рукадзельным начыннем (або рыштункам). Сашэтку атульваюць нажніцы, паролкі ды іголкі, -- якраз іголкі і мяркуецца ў яе ўторкваць. Аднак не, яна колькі часу проста лашчыць вока і нагадвае, што можна змастачыць з самага малога кавалачку тканіны (мануфактуры, канвы). Як казалі ў маім дзяцінстве -- для акрасы.

 
 

 


Je vous souhaite une bonne journée.

 #vezhagaftstitcing

#vezhagaft

#broderie_vezhagaft



 

 

4 commentaires: