vendredi 2 novembre 2012

Летняе вітанне / Salutations de l'été

Жнівеньскае прывітанне: маленькія торбачкі.Магчыма, у гаспадарцы яны без асаблівае патрэбы, але асталяваліся на варэнай і прыдаліся. Галоўнае, вядома, яблыкі!



mercredi 17 octobre 2012

Для сястры / Pour ma soeur

Рабіць сабачыя аброжкі  мяне натхніла сястра. Рабіць брошкі мяне таксама спакусіла сястра. Вязаныя, шытыя, вышываныя, з пацеркамі і шклянымі перламі. Застаецца прыдумаць нешта цікавоцкае для сястры. На сёння самая адметная - кветачка з паабшыванымі пялёсткамі. А заўтра буду думаць...


P.S. Пад скаротам (plus d'info)- больш сціплыя аздобы для яе. А сястра - малодшая!


dimanche 14 octobre 2012

Трэці шлях / La troisième voie

Спадарыня Ірына Варабей - празаік, журналістка, перакладчыца, майстрыха-дызайнер, фатограф, аўтарка адметных мадэляў на падставе беларускіх традыцыйных матываў ды вобразаў, а таксама і перадусім наша шчырая сяброўка па захапленні. Праз яго Ірына распачала сваю дызайнерскую дзейнасць у Таронта, а таксама вытворчасць паводле ўласных распрацовак пад брэндам  Spirit of Belarus.

З дазволу Ірыны пад скаротам (plus d'info) падаю яе адметны матэрыял пра наша нацыянальнае гафцярства (вышыванне).

 

samedi 13 octobre 2012

З сабакам / Avec un chien

Адклад ня йдзе ў лад. Але... адкладаем. У выніку праз славутае "потым-потым" добрыя  рэчы гадамі вандруюць па паліцах. А патрэбны найсціплы штуршок -  часу, моды ці чаго-небудзь, каб скончыць, надзець (апрануць) і мець!


Мадэль швэдра ўзятая з часопіса "Verena" дзевяностых (!) гадоў. Вязана пруткамі з бавоўны так званай інтарсійнай тэхнікай. Сабака цалкам вышываны па вочках. У дызайнера над вязанай паненкай  парасон, але тады мой швэдар атрымліваўся задужа доўгі. Парасон прынцыпова пакінуты - на спіне.


lundi 24 septembre 2012

Абпаленыя пялёсткі / Pétales brûlés

Толькі што было цёпла, а робіцца халодна. Толькі што было вольна (ну, амаль што), а сёння трэба...  заўтра трэба... дужа трэба!  Чым парадаваць паненку па вакацыях?


Брошка з абпаленымі пялёсткамі - літаральна, свечкаю, - даўнавата ўжо вабіла нас з пляменніцай. Дануся запасіла шкляныя перлы, я шукала прыдатную тканіну. Ва ўласнай адзежнай шафе (!) трапіліся яркія і дужа каляныя хусцінкі. З першай знойдзенай зрабіла акрасы абедзьвюм.

Такім чынам, задзейнічаныя поліэстэр, шкляныя перлы і металічная шпілька.

lundi 17 septembre 2012

Суперкоткі / Superchattes

22-23  верасня прытулак "Суперкот" ладзіць сустрэчу з прыхільнікамі і зацікаўленымі асобамі на выставе "Фелінолаг" у Палацы мастацтва  (вул.Казлова, 3). Месца дзеяння - горад Мінск.

22-23  верасня "Суперпёс" чакае сваіх упадабанцаў на НВЦ БЕЛЭКСПО (вул. Янкі Купалы 27) на штогадовым  "Догшоу -Осень с Pets.by".


Перш як надзець аброжак на ката альбо на сабаку, трэба яго выпрабаваць... на сабе. Выпрабаванні ладзіліся на адной з вераснёўскіх кашэчых выстаў і, як бачыце, суперкоткі засталіся задаволеныя.

Прынамсі сваю задачу на выставах аброжкі выконваюць: выдатна глядзяцца на паненках валанцёрках і заўважныя здаля, выгляд маюць ахайны ды свойскі.  А пра чарговыя асобнікі аброжкаў я пачула паважлівае - "аўтарскія"!





Для выставы 22-23 верасня стварылася  невялікая клумба  - на шыі і на грудзі, бо вялікія квяты на здымках - гэта брошкі да пАры аброжкам. Ужываная бавоўна (нямецкая ды турэцкая ), пластмасавыя пацеркі, блочкі дыяметру 4 мм, спражкі.

Калі камусьці таксама захочацца зрабіць рукадзельны падарунак суперкоткам ды іхнім гадаванцам, - прашу перайсці на форум "Суперката" і напісаць пра гэта проста!

jeudi 13 septembre 2012

Каляндар: працяг / Calendrier: а suivre

Мая летняя справаздача спазнілася, затое травень-чэрвень-ліпень-жнівень можна агледзець за адным разам.


Вядомыя выявы ад Lizzie Kate: сям-там зменены колеры - цямнейшыя на святлейшыя, асабліва ў ліпені. У мяне ліпень мусіць атрымацца дужа гарачым, вельмі празрыстым і ў адценнях мяты. Літаральную ліпеньскую волю ад дызайнера (надпіс "воля") памяняла на волю метафарычную, якую ўвасобіў дзьмухавец ад Галіны-Yoho.

dimanche 9 septembre 2012

Пялёсткі шадэлкам / Pétales au crochet

Што можна зрабіць за адзін вольны дзень - хітра, мудра, невялікім коштам?

Звязаць брошку, якую даўно нагледзела: дзевяць вялікіх пялёсткаў, дзевяць меньшых пялёсткаў, сяродавік, тыл (адваротны бок) - ён мусібыць падвоены, бо ўсярэдзіне хаваюцца хвасты  нітак і вузельчыкі...


У выніку пялёсткі і сярэдзінка з пацеркай паўсталі вокамгненна, а каб давесці працу да ладу (перапрашаю, сабраць да кучы), давялося чакаць наступнага вольнага дня!

Дыяметр кветкі - крыху больш за 8 см. Ужываныя рэшткі віскозы з бавоўнаю (стракатая фасонная нітка) і шадэлак нумар 2, 5.


lundi 3 septembre 2012

Карабцы / Вoîtes

Каляжанкі па захапленнях папярэджвалі: услед за першым карабцом з'явіцца другі, спатрэбіцца трэці, папросіцца наступны...

Спачатку    на падставе квадрату.  Адзін і другі, большы і меньшы.  Потым   на падставе кругу. Адзін і другі, меньшы і большы. 



Для кавалкаў тканіны, кравецкіх дадаткаў, ліновак, маленькіх гафцікаў, большых гафтаў, нітак...

Паўстае карабечы набор і высвятляецца, што хопіць яго на самую неістотную частку скарбаў. Затое як зручна цяпер з ёю працаваць!

mardi 28 août 2012

Карабец / Вoîte

Медзьвядкі дызайнера Maria Diaz з часопіса "Вышиваю крестиком" паўсталі на сынаву замову. Колеры мядзьведзькавых футраў я старанна падбірала пад кравецкія дадаткі ягонага пакою... каб крыху спагадзя вырашыць: сцянною аздобаю ім не быць. Мінула колькі часу  - адшукалася тканіна пад медзьвядкоў  і  майстар-клас Таццяны ("Вечерние посиделки") пра карабец.


"А, карабец, - мовіў сын, - давай, шый і мне таксама!"  Не ўяўляю, якія скарбы сын збіраецца ў ім захоўваць, капмутарнае жалеззе альбо шкарпэткі, але медзьвядкі ўжо пры справе. І гэта - галоўнае.

mercredi 22 août 2012

Для сабак / Pour les chiens

Штораніцы за каваю я выслухваю сабачыя і кашэчыя гісторыі, бо мая сястра дапамагае валанцёрам, якія ратуюць катоў і сабак: збіраюць па вуліцах, мыюць, лекуюць, аддаюць у добрыя рукі. Каб рукі дабрэлі і жывёліна падабалася, псіхолаг параіў даць спажыву чалавечым вачам. На гэта нейкая рукадзельніца паабяцала зрабіць для жывёл  аздобы - хатнія, утульныя...


Пакуль яна занятая, я з рэштак бавоўны хуценька звязала колькі аброжкаў, а для здымкі на ролю жывёліны з прытулку ўзяла таксу Бусю, нашага хатняга ўлюбёнца і пястунчыка. Па-беларуску граматычны род сабакі  - мужчынскі, таму нікога не здзіўляе, што Буся, як ўзорны сямейнік, адгукаецца і на Бусліка


Для аброжкаў скарыстаныя металічныя спражкі і блочкі. Шадэлкі №№ 3,5; 3; 2,5. Бавоўна нямецкая і турэцкая.

Як паставіліся да маёй самадзейнасці валанцёры, я пакуль не ведаю. Затое ведаю,  што ў мінскіх прытулках  СУПЕРКОТ и СУПЕРПЁС жывуць выхаваныя, чысцюткія і здаровыя жывёлы. Давайце дапаможам будучым гаспадарам УБАЧЫЦЬ, што яны - не заразныя бяздомнікі-валацугі, а ўлюбёныя і дагледжаныя сябры. А сябры  вельмі хочуць у сям'ю...

vendredi 17 août 2012

Дзіркі ў тканіне / Les trous dans le tissu

Я доўга заглядалася на так званыя блочкі - аблямаваныя металам адтуліны. Аж пакуль   прыстасовы для іх ўтварэння не трапілі да мяне ў рукі. Натуральна, проста псаваць тканіну не выпадала, таму з'явіліся торбачкі-мяшэчкі з рэштак тканіны і з куплёнымі карункамі.


Дыяметр маіх адтулінак - 4 мм. Нават самая дробная ангельская булавачка ў іх не залезла і таму шнуркі давялося ўцягваць іголкай.


dimanche 12 août 2012

Як бабуля / Comme ma grand-mère

Гафт і карункавая аблямоўка шадэлкам - найпростыя. Тэма - нібыта марская. Жаданне - каб было як  у бабці. Было...


Настрою вымагае лён у драбнюткія бела-зялёныя краткі.  З яго калісьці  былі ўтвораны калядныя (!) аздобы для пакою, але спадабалася настолькі, што з'явіўся наступны варыянт  - летнія фіранкі ды абрус, а  белая сурвэтка - як прыемны дадатак. Таксама з лёну.

Лён я люблю прагавіта й неспатольна...

mercredi 1 août 2012

Падарунак / Саdeau

Густы ў мяне... зімовыя. Улюбёная часіна - адвентовая й калядная. Калі гаворка зайшла пра падарунак, Ксенія (блог "Рукодельные страсти") так шчыра і напісала, што неяк дзіўна пасля Калядаў рабіць падарунак на Каляды... і зрабіла! Вокладку на штодзённік (дыярыуш)  - проста з маёй выявай на дзядулевых арэлях, адмысловы футарал для шадэлкаў, сэрцайка для іголак, лялечку, званочак і нават мёд уласнага збору!

Здымак зроблены на варэннай, дзе адчынялі пасылку - пад колер званочка /
Снимок сделан на кухне, где открывали посылку  - под цвет бубенчика

vendredi 15 juin 2012

Жыццё ў ружовым / La vie en rose

Наша лета: халодны (маляваны) агмень, халодная (баваўняная) хуста. Навошта?  А таму што жыццё часам ахутана ружовым  -  хоць бы і з дапамогаю старасвецкага шадэлка!


dimanche 13 mai 2012

Дамок / La maisonnette

Ці любіце вы дамкі так, як іх люблю я? Гэты ( з японскай кнігі " Cross Stitch Embroidery 5") меўся зрабіцца "адпачывалкай" ад вялікае сядзібы, але зажадаў паўстаць як мага хутчэй. А пасля доўгіх падбораў-перабораў нітак дзіўнаватае спалучэнне колераў здалося цалкам прыймальным: японцы...


lundi 23 avril 2012

Паводле Lizzie Kate / D'après Lizzie Kate

Вялікая праца вясновага абнаўлення вымагае перапынкаў. Пад час перапынкаў з'яўляюцца працы маленькія. А пад час маленькіх веснавых прац нават зімовыя матывы набываюць вясновае гучанне. Ці пазнае Лінда, дызайнер Lizzie Kate, сваю каляндарную студзеньскую авечку ўзору 2003 года?



Брошка на падставе значкі, крыжыкі , шкляныя перлы (Чэхія) і стужачка ў бубкі цёмна-карычневага колеру. Дыяметр брошкі са стужачкай - 5 см, без - 4 см.

vendredi 13 avril 2012

Радасны Вялікдзень-2 / Joyeuses Pâques-2

Вялікая сурвэтка (альбо напэрон, сурвэт і нават настольнік, як яго толькі не называлі!) - гэтаксама рэч  сямейная, паходжаннем з 1990-х. У часопісе "Sandra", перакладзеным на польскую з нямецкай, хораша друкаваным і прывезеным з Вільні,  знайшліся гэтыя шакаладныя зайчыкі да Вялікадня. Менавіта зайчыкаў захацелі бачыць сямейнікі  на свята.



dimanche 8 avril 2012

Радасны Вялікдзень / Joyeuses Pâques

Да адных свята Вялікадня набліжаецца. Да іншых яно ўжо прыйшло. Я святкую яго сёння. А гэтая сурвэтка ўпрыгожвае наша свята з 1990-х гадоў. Сурвэтка - адна з маіх насампершых спробаў змастачыць нешта шадэлкам. Дарэчы, шадэлкам  № 2, 5 (!). Ніткі? Якія знайшліся ў бліжэйшай крамцы. Ці вялікі тады быў выбар на нашых абшарах?


Сакавік і красавік у каляндар / Mars et аvril pour le calendrier

Сакавік і красавік для календару паўсталі разам. Сакавік, як бачыце,  файна адрэдагавала Галіна-Yoho  у блогу "Крестики без ноликов" : з неба (з даху?) кропліць, паненка ўжо з кветкамі, ад Lizzie Kate зберагліся птушачкі на галінках. Дзякую Галіне і спадзяюся, што прага ўдасканалення яе не пакіне. А я ўжо падтрымаю (як выканаўца)!



Паводле задумы часткі красавіку давялося памяняць месцамі, але, здаецца, гэта нічога не сапсавала. Творчае стаўленне - гэта наша ўсё!

lundi 2 avril 2012

Дрэва з птушкамі / L'arbre aux oiseaux

Гэтая прыгажосць ад французскага дызайнера Danielle Gouriou-Curie ( яе вытворчасць Couleurs Croisées ) мае менавіта такі назоў: "L'arbre aux oiseaux" ("Дрэва з птушкамі").  




Дужа нагадвае бабціны ручнікі і сурвэткі, праўда? Існуе меркаване, што складнікі шмат якіх нацыянальных арнаментаў падобныя адзін на аднаго як блізняты, але часам маюць розны сэнс... Маё дрэва з птушкамі паўстала на баранавіцкай канве (лён з бавоўнаю) з дапамогай звыклых піцерскіх нітак.

mardi 27 mars 2012

Прыемна / C'est agréable

Вясна. Квітнеюць... узнагароды. Ад Олі-Лялечкі - блог In my world...
Ад Крысціны-Жасміны - блог Džasminos kampelis...  Ад Олі - блог Мечта.

Я шчыра дзякую ўсім! Паводле ўмоваў, звесткі пра сябе я ўжо паведаміла.  Але прашу зразумець: не паспяваю знаходзіць найноўшых удзельніц нашага вясёлага ланцужку! Бо ў тых, каго ведаю і шаную, і без мяне ўзнагарод не бракуе. Таму перадам сваю эстафету ў іншы час, добра?

Весна. Расцветают... награды. От Оли-Лялечки  блог In my world...
От Кристины-Жасмины - блог Džasminos kampelis...   От Оли - блог Мечта. Я искренне благодарю всех! По условиям, сведения о себе я уже сообщила. Но прошу понять: не успеваю находить самых новых участниц нашей весёлой цепочки! А у тех, кого знаю и ценю, и без меня не испытывают недостатка в наградах. Поэтому передам свою эстафету в другое время, хорошо?



vendredi 23 mars 2012

Найпростае / C'est le plus simple

Пасля вялікай  работы засталося шмат рэштак. Што з імі рабіць? У маім выпадку - вязаць хустку з кутасамі. Вялікую. Цёплую. Простую. Пэўна, прасцей не бывае. Мяркую, на такі калядны чырвоны колер - тое, што трэба.


dimanche 18 mars 2012

Сакавіцкі снег / La neige au mois de mars

Снег у сакавіку яшчэ ляжыць. Снегу часам нават прыбывае. Праўда, ненадоўга. Для нас гэта абсалютна натуральна. Таму і птушка малінаўка ангельскага  дызайнера Lucie Heaton (часопіс "Вышиваю крестиком" № 3, 2012) вясны не псуе.



mercredi 14 mars 2012

Брошка ў джынсавы куртач / Broche pour la veste en denim

З дзяцінства люблю чаравікі. Да чаравікаў пасуюць нагавіцы. Я аддаю перавагу джынсам. Проста і зручна ў працы, ў руху, ў горадзе.

Джынсавы куртач - асобны спеў. Таго, што безумоўна пасуе табе і толькі табе, адшукаць не так проста. А калі ён, нарэшце, адшукаецца, не так проста знайсці дапасоўкі да яго!


Я спалучыла жаданні з магчымасцямі. Атрымалася  аздоба на падставе вялікай металічнай значкі. Дыяметр - 6 см. З карункамі - 7, 5 см. 

samedi 10 mars 2012

Ружовы капялюш на шэры сакавік / Le chapeau rose pour le mars gris

Капялюш вязаўся хутка (шадэлкам № 3,5; воўна - знакаміты аран), вышываўся трошкі даўжэй (буйной іголкай для вязаных рэчаў), а фотаграфавацца яму выпала колькі дзён...  З такім сціплым вынікам. Таму што святла не стае - ні ад сонца, ні ад лямпаў. Шэры ў нас сакавік. У выніку  акрамя капелюша можна разгледзець некаторыя варункі ягонага стварэння.

Капялюш для Данусі, маёй пляменніцы, студэнткі-першакурсніцы. Такі ружовы капялюш якраз на шэры сакавік.



mardi 6 mars 2012

Вясна крочыць/ Le printemps arrive

У ангельскага дызайнера  Lesley Tier ёсць чатыры паненкі, якія ўвасабляюць сабою паравіны году. І, трэба заўважыць, паненкі адметныя. Прынамсі, з першага позірку я ўпадабала паненку-Вясну, якую часопіс "Вышитые картины" презентаваў пад назвай "Любовное настроение". Сапраўды, настрой для закаханасці ёсць:  над галавой  ціліўкаюць птушачкі, пад нагамі квітнеюць сэрцайкі...



samedi 3 mars 2012

Ружы з лавандавым пахам / Roses avec parfum de lavande

Ляжыць сабе пакаваначка з лавандаю. Патыхае. А калі добра паварушыць, пахне. Хораша пахне. Выглядае... ну, звычайна выглядае.

Ляжаць сабе рэштачкі тканіны. Перакладаюцца сюды-туды. А калі добра паперакладаць, пэцкаюцца. Дзяруцца. 



dimanche 26 février 2012

Казка маленькай прынцэсы / Conte d`une petite princesse

Я служу ў дзіцячым тэатры, дзе жывуць казкі. Уявіце: да дзвярэй, дзе месціцца маё службовае месца, іду праз шэраг манекенаў з казачнымі строямі; тутсама робіцца/фарбуецца/збіраецца дэкарацыя да чарговай казачнай дзеі; побач рыхтуецца так званы "чорны кабінет" - прыстасова з натуральнага (толькі натуральнага!) чорнага аксаміту - яна дапамагае персанажам знікаць і з'яўляцца на вачах у публікі. А праз усё гэта чарадзейства ляціць памочнік рэжысёра і гукае "Каралева! Дзе Каралева?!" ...



samedi 18 février 2012

Узімку ды ўлетку / En hiver et en été


Мне здалося, што выявы гэтых дамкоў добра спалучаюцца і дадаюцца адна да адной, хоць і з'явіліся ў розных часопісах і ў розны час. Зімовы дамок паўстаў першы. На ягоных дзвярох - маленькі калядны вяночак. На двары -  маленькі шэранькі каток. Вялікія асветленыя вокны, комін з дымам, цені на снезе. І - марозны ружовы заход, калі ўдома цёпла-утульна. Як я люблю.
У часопісе ( "Вышитые картины" № 6 за 2005 год ) выява мела назву "Чароўны дом".  


dimanche 12 février 2012

Нагода для любові / Raison de l'amour

Таксама слушна будзе напісаць: нагода для падарунку. Але ў мяне  падрыхтоўка падарунку - нагода перажыць цудоўныя хвіліны. І пачуцці - ад пяшчотных да самых моцных.

З днём усіх закаханых!

Блогер з усіх бакоў / Blogueur sur tous les côtés

Ну што рабіць, трэба прызнавацца!
Ад Ганны і яе блогу Annasimplecrochet я атрымала ўзнагароду. 


Je remercie chaleureusement Anna du blog  Annasimplecrochet   qui m'a décerné ce prix.
Anna! Tricote, s'il tе plaît, et ne s'arrête pas. Tu es le maître de tricot. Laisse les enfants en bonne santé, et ton mari - tous heureux! 

samedi 11 février 2012

Люты: ружовы і сардэчны / Février: avec la rose et le coeur

Сённяшняя справаздача  - каляндарны месяц люты ад Lizzie Kate з супольнага праекту, які раблю разам з Аленай. Гэты люты цалкам на эўрапейскі капыл - ружовы і сардэчны. 



vendredi 10 février 2012

Разам / Ensemble

Гэтая парачка - сурвэтачка з сашэ - паўсталі з рэштак тканіны і нітак. Знайшлася нават рэштачка карункаў, танюткіх, вузенькіх, далікатнага колеру - для аблямоўкі вакенца з тканіны на сашэ.



jeudi 9 février 2012

Святочная сурвэтка / Napperon pour un jour férié

Бабуліны сурвэткі - мінулае стагоддзе? А бабуля іх шанавала.Мыла-варыла-крухмаліла-прасавала  і трымала ў шафе да чарговага свята.



mardi 7 février 2012

PIF*-пафы! (абвяшчаю запіс)


Ці знойдуцца тры ахвотнікі на мае падарункі? Умовы – як ва ўсіх, таму па-просту падаю тэкст з “Рукодельных страстей” ад Ксені (у перакладзе і пераказе ды ў арыгінале).
Умовы (пераказваю):



Пры канцы зімы \ A la fin de l'hiver

Насмрэч гэты "Лядовы баль" у часопісе "Вышиваю крестиком" з'явіўся на пачатку вясны, але вясны 2007 года. І быў распачаты, пакуль вясна дамагалася свайго справядлівага панавання. І быў адкладзены да наступна зімы і наступнай вясны...




dimanche 5 février 2012

Каляндарны студзень / Janvier calendrier

Рабіць разам  каляндар ад Lizzie Kate прыдумала Алена (пра ўмовы ўдзелу ў супольным праекце можна пачытаць тут). Яе прапанову я ўбачыла пры канцы студзеня і вельмі хацела паспець у тэрмін. Але ж і рабіць нешта бязмэтна, проста каб зрабілася (а потым качалася ў шафе да лепшых часоў), зусім не па мне...



samedi 4 février 2012

Глядзіце - фяюшка! / Voir - ce petite fée!

Феі ды фяюшкі, якіх так любіць знаёмая паненка чатырох гадкоў, - не з нашага фальклору. Таму крыдлатую істоту ў зімовых міні-спаднічках я назвала маленькай чараўніцай. Але малая адразу ж выявіла нястачу чароўнага кіёчка!



jeudi 2 février 2012

Зімалета

Бялюткая сурвэтка на круглым століку... Не, не так.
Бялюткая на стракатым... Не так.
А як?...Гэтая сурвэтка паўстала якраз на Каляды. Таму што я ўгледзела на ёй ялінкі.

Ялінкі ці не?!

mercredi 1 février 2012

Вольга-Іголачка / Olga, qui se dit d'une aiguille

Сашэ - рэч патрэбная, ужытковая, робіцца проста. Зёлкі з добрым пахам і (пажадана) з добрымі якасцямі завязваюць у анучку і кладуць у шафу. А потым, калі пах і добрыя якасці выпетрацца ( вычхаюцца, сыдуць на нішто), змесціва анучкі па просту выкідаюць. Часцяком разам з анучкаю.


mardi 31 janvier 2012

Парыж у адзежнай шафе / Tout Paris dans l'armoire

...Гэты Парыж Клэр стварыла для ўласнае мамы, але мама ў яе не скнарлівая, таму карыстацца творам можа ўвесь інтэрнетаваны свет. Я апынулася ў першым шэрагу. Клэр  адказала, што ганарыцца маім выбарам не толькі як аўтар дызайну, але як парыжанка.


Sous le ciel de Paris...

Клэр / Claire

Распрацоўкі Клэр мяне зачаравалі. Паланілі. 

Спачатку адабралі палову летняга адпачынку: я сумленна прачэсвала яе блог gazette94, але не па тэмах, а па публікацыях. Каб расцягнуць радасць знаёмства. 

Віншаванне з Раством


Дазвольце пазнаёміцца / Permettez-moi de connaître

Зваць мяне Жанай, але Жан ў прасторы жыцця ды інтэрнету - куча й горбачка, таму сяброўкі, каляжанкі і паплечніцы па захапленнях ведаюць мяне як Вежу. 

Перш як зрабіцца нікам, Veja нядоўга пабыла школьнай мянушкай (ну хто мог чакаць, што з вакацый у сёмы клас я вярнуся самай доўгай вучаніцай?).

Школьныя заняткі ўжытковымі мастацтвамі ўзору 1970-х гадоў я шанавала не дужа. Майстрыхамі ў сям’і былі бабуля і мама. Ад іх ведаю, што прабабка (дзедава маці) была выбітнай ткалляй (ткачыхай) і гафцяркай. (Кароткім слоўцам “гафты” бабуля заўсёды называла самыя майстэрскія вышыванкі, а буйныя стракатыя крыжыкі, сабраныя ў  мачаляпістыя квяты, былі для яе  “вышыўкамі”.) Добра шые малодшая сястра, але, на жаль, вельмі рэдка – больш сядзіць за кампутарам, бо – дызайнер.


Год 1989: пачынаецца...

Яшчэ адзін маленькі карабельчык/ Un autre petit navire

Марское падарожжа працягваецца: ангельскі дызайн, краявіды і нават туманы паўставалі на сынаву замову. Хутка-порстка. Маленькі карабель...

Чытачы, гледачы, крытыкі